Yintoni uMama?

isiXhosa poem by: Songezo Xelelo
Theme: Hope

UMama yimbokodo intsika yekhaya.
UMama ufumbethe ubushushu bekhaya.
UMama linina ngoxolo ekhaya.
UMama libhinqa ngothando ekhaya.

UMama ukhulis'umntwana ngentlonipho ngembeko.
UMama ukhulisa isizwe ngentembeko ngenyameko.
UMama wakha ikhaya ngengqondo ngengqiqo.
UMama uthandaza kume imigodi.

UMama uyazinyamezela izithuko izenyeliso.
UMama uginya kukrakra intlekis'intlebo.
UMama uxhafuna zilumeza iziphoxo imbhaxo.
UMama unambith'zilikhala inyembezi imihlisela.

Hayi singayintoni isizwe ngaphandle koMama ?
Hayi lingayintoni ikhaya ngaphandle koMama ?
Ndinethulela umnqwazi booMama!