Thula salukazi iNkosi ikhona

isiZulu poem by: Bheki Mnyathi
Theme: Hope

Thula salukazi sam' inkosi ikhona,
Thul' uThix' uzokusiza,
Thul' amathong' azosilamulela,
Thul' uMvelinqang' uzosihawukela.

Namhlanje ngezimvu zakh' usungumkhunkuli,
Owawubakhulisa namhlanje bayakusola,
Owawubancelisa bakulethel' izithakazi,
Thul' salukaz' uThix' uzokusiza.

Okwamanqe balind' ukuwa kwakho,
Ukuze bame phezu kwakho bandis' indaba,
Baseng' ezimithiyo bagwilike ngawe,
Thula salukazi sami iNkosi ikhona.