Siyagqitha....

isiXhosa poem by: Sanelisiwe Mtsewu
Theme: Death

Singamandwendwe kaloku
Injalo le nto ibubom bomntu
Ithi nkqo okwexeshana
Iphind'ithi nkcwe ngomzuzwana
Singabaphambukeli kweli limiyo

Kakade limagad'ahlabayo
Kodwa Singamandwendwe kweli lizwe
Sitshotsh'okosaluka nkwenkwe
Sitshon'okombon'ohlwayelwayo

Inde indlela yasemhlabeni
Kodw'ayngebalekelwa mntu
Kuba sonke siyagqitha emhlabeni
Bambi ibomeleza ngeentlungu
Ze kuthi lakufik'ixesha bomelele